Drita dhe Llapi janë dy finalistët e këtij edicioni në Kupën e Kosovës në futboll, pasi kanë kaluar Ramiz Sadikun dhe Prishtinën.

Tani dy rivalët i presin edhe 90 minuta për të shkuar tek njëri prej trofeve më të çmuar në futbollin tonë.

Drita nuk e ka fituar, Kupën e Kosovës, për më shumë se dy dekada, pasi hera e fundit kur triumfoi ishte sezonin 2000/01.

Drita ishte në finale në vitin e fundit para pranimit, ku ishte mposhtur nga Prishtina me rezultat 2-1 në stadiumin “Fadil Vokrri”.

Në anën tjetër Llapi është fituesi i fundit i Kupës së Kosovës, ku e kishte mposhtur Dukagjinin e Klinës pas penalltive në një ndeshje tejet dramatike që ishte mbyllur 1-1.

Kupa e Kosovës e fituar edicionin e kaluar ishte e para në histori të klubit për Llapin.

Finalja e Kupës së Kosovës luhet më 21 maj, me fillim prej orës 20:00 në stadiumin “Fadil Vokrri”.